وەزیرێ ئاڤەدانکرن و نشتەجیکرنا کوردستانێ راگھاند، سالا بهێت دێ پلانا رێیا شەمەندەفەرێ کەڤیتە وارێ جێبەجێکرنێ دا.
وەزیرێ ئاڤەدانکرن و نشتەجیکرنێ، دانا عەبدولکەریم ئیرۆ سەردانا پرۆژەیا رێیا سلێمانی-کەلارێ کر و ل وێرێ راگھاند، دێ 60 ملیار دینارێ دی بۆ وێ پرۆژەیێ هێنە تەرخانکرن دا کو ھاڤینا سالا بهێت بهێتە خلاسکرن.
دانا عەبدولکەریم ل سەر پرۆژەیا رێیا شەمەندەفەرێ ژی ئاخڤ و گۆت، ئەم مژوولی خوە ئامادەکرنێ نە دا کو دەست ب پێ بکەین. سالا بهێت ئەم دێ دەست ب چێکرنا رێیا شەمەندەفەرێ کەین.
وەکیلێ وەزارەتا ئاڤەدانکرن و نشتەجیکرنێ ئاگرین عەبدوللاھ بەریا نھا گۆتبوو، قۆناغا یەکەم یا رێیا شەمەندەفەرێ 620 کم و یا دی ژی 295 کم.
حکوومەتا کوردستانێ تیرمەھا ئیسال لگەل کۆمپانیا ئالمانی یا “دەوتسچە باھن” دا ل سەر پرۆژەیا رێیا شەمەندەفەرێ ھەڤدیتن کربوو. ب گۆتنا ڤی بەرپرسێن حکوومەتێ، ئەو دێ د دەمەکێ نێزیک دا وێ کۆمپانیێ ئینن کوردستانێ.
