وەزارەتا ناڤخوەیا ترکیایێ راگھاند کو ل ناڤچەیا نسێبینێ یا مێردینێ ھێزێن ئەولەکاریێ خواستنە کەسەکێ راوەستینن، لێ وی کەسی ھەول دایە ئێریشی ھێزێن ئەولەکاریێ بکەت و ئەو کەس ھاتیە بێباندۆرکرن و ژیانا خوە ژ دەست دایە.
ل گۆری داخویانیا وەزارەتا ناڤخوەیا ترکیێ، ئیرۆ دوشەمبێ دانێ سپێدێ ل ناڤەندا نسێبینێ یا مێردینێ ژ بەر تەڤگەرێن ب گومان، ھێزێن ئەولەکاریێ خواستینە کەسەکێ بسەکنینن، لێ وی کەسی خواستیە ب چەنتەیێ د دەستێ خوە دا کو تێ دا بۆمبە ھەبوو، بەر ب پۆلیسان ڤە ببەزیت و بۆمبایێ بتەقینیت.
ل سەر ڤێ یەکێ ژی پۆلیسان موداخەلە کریە و کەسێ ئێریشکارێ کو د دەستێ وی دا بۆمبا ھەبوو ھاتیە بێباندۆرکرن و ژیانا خوە ژ دەست دایە.
وەزارەتێ دایە خویاکرن، ئەو کەس ئەندامێ رێخستنا نەیاسایییە و پشتی بوویەرێ بەرگریێن بەرفرەھێن ئەولەکاریێ ھاتنە ستاندن کو تیمێن تایبەتێن پووچکرنا بۆمبەیێ ژی ل جھێ بوویەرێ بۆمبە پووچ کرنە.
دەربارێ ناسنامەیا کەسێ ھاتیە کوشتن دا چ زانیاری نەھاتن پارڤەکرن.
