پەیکەرێ هەلبەستڤانێ کوردێ ناڤدار هەژار موکریانی، ل باژارێ مەهابادێ یێ رۆژهلاتێ کوردستانێ ژ ئالیێ چەند کەسان ڤە هات شەوتاندن.
ل گۆر دیمەنێن ل تۆرا جڤاکی بەلاڤ بوونە، چەند کەسێن نەناس ئاگر ب پەیکەرێن هەژار موکریانی ل مەیدانا باژارێ مەهابادێ خستنە و پەیکەر شەوتاندن.
هەژار موکریانی شاعر و هەلبەستڤانەکی کوردێ ناڤدارە و پەیکەرێ وی ژ ئالیێ هونەرمەندێ کورد هادی زیائه‌دین ڤە هاتبوو دروست کرن.
د هەیاما سالا بووری دا، چەندین جاران پەیکەر و گۆرێن هونەرمەند و رەوشەنبیرێن کوردێن مەهابادێ ژ ئالیێ کەسێن نەناس ڤە تێن شەوتاندن، د مەها چله‌یا بووری دا ژی گۆرا هونەرمەندێ ناڤدارێ کورد محەمەد ماملێ ل مەهابادێ ژی راستی ئێریشێ هاتبوو و ب بۆیاخێ ناڤونیشان و نڤیسێن ل سەر کێلکا ماملێ رەش کربوون.
شاعرێ کورد هەژار موکریانی ناڤێ وی عەبدولرەهمان شەرەفکەندی یە و ل سالا 1921ێ ل باژارێ مەهابادێ ژ دایک بوویە و چالاکڤانەکێ کۆمارا کوردستانێ ل مەهابادێ بوو، هەژمار موکریانی پشتی شکەستنا کۆمارێ د سالا 1947ێ دا چوو سلێمانیێ و پشترە ل بەغدایێ ب جهـ بوو.
هەژار موکریانی رۆژا 21/2/1992ێ د تەمەنێ 70 سالیێ دا کۆچا داویێ کر و ل باژارێ مەهابادێ ب خاکێ هات سپارتن.
