ل ناحیا کانی ماسێ یا سەر ب باژارێ دوھۆکێ ڤە وەلاتیەک د شەرێ ناڤبەرا پارتیا کارکەرێن کوردستانێ (پەکەکێ) و ئارتێشا ترکیێ دا شەھید بوو.
چاڤکانیێن پێگەها دارکا مازی ل باشوورێ کوردستانێ ئاشکەرا کر، ئیرۆ رۆژا ئەینی، 13/8/2021ێ، ب سەدەما شەرێ د ناڤبەرا پەکەکێ و ئارتێشا ترکیێ دا، ولاتیێ ب ناڤێ «ئیبراهیم حەسەن محەمەد» تەمەن 50 سالی، د ناڤا گوندێ دشیشێ دا کو یەک ژ وان گوندانە ب سەدەما شەرێ د ناڤبەرا پەکەکێ و ئارتێشا ترکیێ دا هاتیە چوولکرن ب گولـلەیا دۆشکایێ شەهید بوو.
د مەھا گولانا بۆری دا شەر و پەڤچوونێن ناڤبەرا ئارتێشا ترکیا و پەکەکێ ل دەڤەرێن سنۆری یێن ھەرێما کوردستانێ ب توندی دەست پێ کر و د ئەنجاما وان پەڤچوونان دا ھەژمارەک وەلاتیێن ھەرێما کوردستانێ شەھید بوون و ب سەدان مالبات ژی ژ مال و ملکێ خوە ئاوارە و دەربەدەر بوون.
