تركیێ خواندنگه‌ها گوندێ سكێنیێ ل شه‌نگالێ بۆردۆمان كر
باله‌فرێن تركیێ ئیرۆ ئێریشه‌كا ئاسمانی ل نێزی شه‌نگالێ پێكئینا، نه‌خوه‌شخانه‌یه‌كا په‌كه‌كێ هه‌ده‌ف كر و كوشتی و بریندار هه‌نه.
باله‌فرێن تركیێ ئیرۆ رۆژا سێشه‌مبی 17/8/2021ێ لڤ و ته‌ڤگه‌رێن چه‌كدارێن گرێدای په‌كه‌كێ ل گوندێ سكێنیێ ل نێزی شه‌نگالێ بۆردۆمان كر، ل گۆری ئاگاهیێن تایبه‌ت یێن پێگه‌ها داركا مازی، باله‌فران خواندنگه‌ها گوندی هه‌ده‌ف كرییه ژ به‌ر كو رێخستنا په‌كه‌كێ ئه‌ڤ خواندنگه‌هـ وه‌كه نه‌خوه‌شخانێ ب كار تینا.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئه‌ڤ ئێریش ل ده‌مژمێر 2:30 بۆ 3:00 ئێڤارا ئیرۆ پێكهاتییه و كوشتی و بریندار هه‌نه كو ژ یه‌كینه‌یێن به‌رخوه‌دانا شه‌نگالێ یه‌به‌شێ یا گرێدای په‌كه‌كێ نه.
