چەکدارێن په‌كه‌كێ ل سینۆرێ ئامێدیێ بۆمبەیەک ل سەر رێیا وەلاتی و پێشمەرگەیان دانی و ب ئۆتۆمۆبیلەکە پێشمەرگە دە تەقیا.
ناڤەندا مەدیایی یا وەزارەتا پێشمەرگە د داخویانیەکێ دە ئاشکەرە کر، «ل سینۆرێ قەزایا ئامێدیێ چەکدارێن په‌كه‌كێ بۆمبەیەک ل سەر رێیا چوونوهاتنا پێشمەرگە و خەلکێ سڤیل چاند، د ئەنجامێ دە بۆمبەیا چاندی ب ئۆتۆمۆبیلەکە پێشمەرگە دە دتەقە، هەر چەندە خوەشبەختانە زیانێن جانی ژێ دەرنەکەتن، لێ تەنێ پێشمەرگەیەک ب سڤکی بریندار بوو».
بریکارێ وەزیرێ پێشمەرگە سەربەست لەزگین راگهاند: «دخوازن رایا گشتی و خەلکێ کوردستانێ ئاگاهدار بکن کو چەندین جارە په‌كه‌كه ڤان رفتاران ل سینۆرێ ئەرکێ پێشمەرگە دوبارە دکە و هەروه‌ها کارێ تێکدەرانە ئەنجام ددە، ب ڤان رفتاران مەترسیێ ل سەر سینۆر و خەلکێ سڤیل دروست دکە».
