وەزارەتا دەرڤە یا ئه‌مه‌ریكایێ، ئێریشا ترکیێ یا ل سەر شه‌نگالێ شەرمەزار کر و راگه‌هاند، پێویستە ترکیە رێزێ ل سەروەرییا ئیراقێ بگریت.
بەشا کار و بارێن رۆژهلاتا نێزیک یا سەر ب وەزارەتا دەرڤە یا ئه‌مه‌ریكایێ ڤە، ل حه‌سابا خوە یا تۆرا جڤاکی تویتەرێ بەلاڤ کر، «ئەم ژ راپۆرتێن مەدیایی، ب ئۆپەراسیۆنێن ترکیێ یا ل باکورێ ئیراقێ ئاگاهدار بوون».
تەکەز کر ژی، «ئەم نەرینا خوە دوبارە دکه‌ن کو تەڤگەرا لەشکەری ل ئیراقێ، پێویستە رێزێ ل سەروەرییا ئراقێ بگرە».
د چارچۆڤەیا جڤینا ئەنجوومەنا ئاساییشا نیشتمانی دە ب سەرۆکاتییا سەرۆکوەزیرێ ئیراقێ مستەفا کازمی، هات راگه‌هاندن کو دەستدرێژیێن ترکیێ یێن ل سەر ئاخا هەرێما کوردستانێ شەرمەزار دکه‌ن و ئەڤ باندۆرێ ل سەر پرەنسیپێن جیرانتیێ یێن ناڤبەرا ئیراق و ترکیێ دکەت.
