چەتەیێن سولتان موراد یێن كو ده‌وله‌تا تركیێ پشته‌ڤانییا وان دكه‌ت، دو ژن و زارۆكه‌ك ژ عه‌فرینێ یا رۆژئاڤا كوردستانێ ره‌ڤاندن.
هات راگهاندن كو چه‌ته‌یێن گرووپا ب ناڤێ سولتان موراد كو ده‌وله‌تا ترك یا داگیركه‌ر پشتگریێ دده‌تێ، ئیرۆ رۆژا پێنجشه‌مبێ 18/8/2021ان، ژنه‌ك و كه‌چا وێ ژ ناڤچه‌یا شه‌رایێ یا عه‌فرینێ و هه‌روه‌ها ژنه‌ك ژ ماباتایێ ره‌ڤاندنه.
ژنا كو ژ شه‌رایێ هاتییه ره‌ڤاندن ب ناڤێ روەیدا سلێمان تێ ناس كرن، هه‌روه‌ها کەچا وان سۆلین بەرەکات كو ته‌مه‌نا وێ 14 سالی یه.
هێژای گۆتنێ یه، د ناڤا 10 رۆژان دە ل گوندێ قۆرتقۆلاقێ یێ شه‌رایێ 29 کەس ژ هێلا چه‌ته‌یێن تركیێ ڤه هاتنه ره‌ڤاندن و ژن و زارۆك د ناڤ دا نه.
