د رۆژەکا وەکی ئیرۆ دا، رێبەرێ نوویێ کۆمارا ئیسلامی یا ئیرانێ کو کاری دەستکەڤتێن شۆرەشا گەلێن ئیرانێ ل دژی رەژیما پاشایەتیێ زەوت بکەت، ھەر ژ زوو ڤە دەست ب سەرکوتا گەلێن ئیرانێ ب تایبەتی نەتەوا کورد کر.
خومەینی ب راسپاردنا حاکمێ شەرعی یێ ئیرانێ “خەلخالی” بۆ ب داوی ئانینا خەباتا خەلکێ رۆژھلاتێ کوردستانێ، گوڵەبارانکرنا خەلکێ کوردستانێ ئیمزا کر و کێم کەس ھەنە کو نەبھیستبیت د گوندێن قارنێ و قەلاتان، سەوزی و سەرچنار و چەمێ مەجیدخان دا چ جینایەت ھاتنە کرن.
پشتی 42 سالان ژ فەتوایا (فەرمانا ئۆلی) خومەینی، ھێژ ھزرێن خومەینی ل سەر خەلکێ کوردستانێ و ھەموو ئازادخوازان بەردەوامن و ھەر رۆژێ جوانێن کورد ل سەر سنۆران ب تەقەیێن راستەراستێن پاسدارێن خومێینی تێنە کوشتن، چالاکڤانێن سیاسی یێن کورد سێدارە ددەن و ب رێیا رێکخراوا بەسیج ڤە مژوولێ رامالینا جڤاکا کوردستانێ نە.
د سالرۆژا کوشتنا ھۆڤانەیا خەلکێ کوردستانێ ب فەتوایا خومەینی، خەلکێ کوردستانێ نەکو تەسلیمێ خواستەک و داخوازیێن رەژیما ئیرانێ نەبوو بەلکو ژ بۆ بدەستڤەئانینا ئازادی و مافێن خوە خەباتا خوە خورتتر کر و ھەولێن بهێزتر ددەن.
