ھەڤدەم ل گەل پێلا ڤەگەرا کۆچبەرکری و دەربدەرێن عەفرینا رۆژئاڤایێ کوردستانێ، بەردەوام دکەت، ناڤەندا باژارێ عەفرینێ ب ھەژمارەک رووکێتان ھاتە ئارمانجکرن، تێ دا تاخێن تژی نشتەجی ھاتنە ئارامنجکرن، د ئەنجامێ دا ب دەھان ژ وەلاتیێن سڤیل بوونە قوربانی و زیانەک مەزن گھشت مال و مولکێن کوردان.
د ڤێ دەربارێ دا در. عەبدولحەکیم بەشار، ئەندامێ پۆلیتبیرۆیا پەدەکە-سێ، ھەروەھا جێگرێ سەرۆکێ ھەڤپەیمانیا نشتیمانییا ھێزێن شۆرەش و ئۆپۆسزیۆنا سووریێ ل سەر رووپەلا خوە گۆتارەک بەلاڤکر و تێ دا گۆت ئارمانج ژ تۆپبارانکرنا عەفرینێ رێگری ل ڤەگەرێ یە و ئێدی ژ بۆ ھەر کەسەکی دیارە، ئالیێ عەفرینێ تۆپباران دکەت ب ھەر شێویەکێ بیت ل دژی ڤەگەرا عەفرینیانە و ئەو یەک تەکەزیەکە کو ب ڤەگەرا سەر گوند و باژارۆکێن خوە تشتەک ب ناڤێ رێڤەبەریا پەیەدێ یا کو ھەبوونا کۆچبەرکریێن عەفرینێ ل کامپێن شەھبایێ ل گۆری بەرژەوەندیا سیاسی و لەشکەری وەکو مەرتا مرۆڤی ب کار تینیت زیاندیتیێ ھەری مەزنە.
در. عەبدولحەکیم بەشار ڤەگەرا عەفرینیان تەڤی ئاستەنگیان و رێگریا پەکەکێ، ب بلندی نرخاند، و پشتراست کر کو مووشەکێن کین و زکرەشیێ تەکەزیەکا دی یە، کو ئەڤ ڤەگەر دبیتە جھێ نەرازیبوونا ئالیێ کو باژێری ئارمانج دکەت. و پێلا ڤەگەرێ یا کو ژ بەریا مەھەکێ ڤە دەست پێ کریە، وەکە سەرھلدانەک راستەقینەیە و دیوارێ ترسێ د کامپێن شەھبایێ یێن د بن دەستێ پەکەکێ شکاند و کەسێن ترسێ بەلاڤ دکەن روورەش دەرخستن .
ناڤبووری دا زانین کو پێلا ڤەگەرێ رەسەنیا شێنیێن عەفرینێ و حەزکرن و گرێدانا وان ب خاکا خوە ڤە دیار دکەت، ھێڤی کر ئەڤ پێل بەردەوام بکەت، و ھەر کەسەک ژ سەرێ کانیێ و جزیرێ ڤێ گاڤە باڤێژیت، و وەکو عەفرینیێن کو تەکەز کرنە قەھرەمان و لەھەنگن ڤەگەرن زێدێن خوە.
