وەزارەتا بەرەڤانیا ترکیێ رادگھینیت، ھێزێن وان 10 فەرماندار و چەکدارێن پەکەکێ ل شنگالێ کوشتنە.
وەزارەتا بەرەڤانیا ترکیێ دەربارێ ئێریشێن چەند رۆژێن بۆری ل سەر بارەگەھێن پەکەکێ شنگالێ دا ل سەر حەسابا خوەیا تۆرا جڤاکی راگھاند، 10 چەکدارێن پەکەکێ ل شنگالێ ھاتنە کوشتن.
وەزارەتا بەرەڤانیا ترکیێ دەستنیشان کر، وان ب ڤان ئێریشان، زیانەکا مەزن گھاندنە پەکەکێ ل وێ ھەرێمێ.
د چەند رۆژێن بۆری دا، فرۆکەیێن ترکیێ ھەژمارەک ژ بارەگەھێن پەکەکێ ل شنگالێ و ناڤچەیێن دەردۆرێ بۆمبەباران کربوون، د ئەنجامێ دا ژی ھەژمارەک ژ فەرماندار و چەکدارێن پەکەکێ ھاتبوونە کوشتن و بریندارکرن.
