ھەڤسەرۆکێ بەرێ یێ شارەداریا شرنەخێ یێ ھەدەپێ سەرھات کادرھان، ھاتە دەستەسەرکرن.
ھەڤسەرۆکێ بەرێ یێ شارەداریا شرنەخێ یێ پارتیا دەمۆکراتیکا گەلان (ھەدەپێ) سەرھات کادرھان، د چارچۆڤەیا لێکۆلینەکا کو دەربارێ وی دا ھاتبوو دەستپێکرن، دوهی 20ێ تەباخا 2021ێ د ئۆپەراسیۆنەکا ھێزێن ئەولەکاریێ دا ل دیاربەکرێ ھاتە دەستەسەرکرن.
ل گۆر مەدیا ترکیێ، بەری 10 مەھ دبە ب تۆھمەتێن “ئەندامەتیا پەکەکێ، ھەولدان ژ بۆ تێکدانا یەکتیا وەلات و بکارئانینا خەراب یا پۆستێ خوە” بریارا دەستەسەرکرنا سەرھات کادرھان ھاتیە دایین و پشتی دەستسەرکرنێ ژ بۆ ناڤەندا ئەولەکاریێ ھاتیە ڤەگوھەستن.
ل گۆر زانیاریان، ل مالا کو ھەڤسەرۆکێ بەرێ یێ شارەداریا شرنەخێ لێ ھاتیە دەستەسەرکرن، ھێزێن ئەولەکاریێ دەست داناینە سەر 7 سیمکارت، کۆمپیوتەرەک و چەندین کەلووپەلێن دی یێن دیجیتال.
