ل گراڤا هەیبەلیێ یا سەر ب پارێزگەها ستەنبۆلێ، ئاگر ب دارستانێ کەت و تیمێن ئاگر ڤەمراندنێ هەم ژ ئەسمانی هەم ژی ئه‌ردێ هەول دان ڤەمرینن.
ئیرۆ رۆژا شه‌مبی 21ێ تەباخا 2021ێ د دەمژمێرێن پشتی نیڤرۆ دا ب تایبه‌ت ل دەردۆرا ده‌مژمێر 13:00 ئاگر ب گراڤا هەیبەلیێ یا سەر ب پارێزگەها ستەنبۆلێ كه‌ت و سه‌ده‌ما ئاگر هەتا نها زەلال نەبوویە لێ ل سەر ئاگاهدارکرنێ ب ئاوایەکی لەز تیمێن ئاگر ڤەمراندنێ گه‌هشتن جهێ بوویه‌رێ.
ل گۆر ئاگاهیێن رێڤەبەرییا گشتی یا دارستانان 1 فرۆکە، 3 هەلیکۆپتەر و 5 ماکینەیێن کار بۆ جهێ ئاگر هاتنە شاندن و تیمێن ئاگر ڤەمراندنێ یێن ناڤچەیێن کارتال و مالتەپە ژی ئاراستەیی هەرێمێ کرنە، هەروها وەلاتیێن ل گراڤێ ژی ژ ئالیێن تیمێن ئه‌وله‌كاریێ هاتنە ڤەگوهەستن.
ترکیە و باکورێ کوردستانێ ل گەلەک دەڤەران رۆژانە ئاگرێ دارستانان دەردکەڤن وهندەک ژ وان ژ بەر دره‌نگ گه‌هشتنێ دبن سەدەما زرارا جانی و مادی.
