دەردۆرا 8 گوندێن قەزایا پێنجوێنێ یا سەر ب پارێزگەھا سلێمانیێ ڤە، سەرێ سپیدەیا ئیرۆ ھاتن بۆمبەبارانکرن. قایمەقامێ پێنجوێنێ دایە زانین: “بۆمبەبارانا گوندان، 20 خولەکان بەردەوام بوو، لێ بەلێ زیانەکا زێدە نەبوویە.”
قایمەقامێ پێنجوێنێ زانا رەحمان دیار کریە: “دەمژمێر 6:30ێ سەرێ سپیدەیا ئیرۆ، ھەتا 20 خولەکان ئەو گوند ھاتنە بۆمبەبارانکرن. جھێن کو ھاتنە ئارمانجکرن ژی، جھێن چاندنیێ نە.”
زانا رەحمان دەستنیشان کریە: “تەڤی کو ئەو زانیاریێن دەستپێکێ نە، لێ ھەموو گومان دچن سەر ڤێ یەکێ کو درۆنێن ترکیێ بن. ئەم دێ لێکۆلینێن زێدەتر ژی ئەنجام دەین.”
د دەربارێ زیانان دا ژی قایمەقامێ پێنجوێنێ ئاشکەرا کر: “چ زیانەکا جانی و مادی نەبوویە، لێ ترس د ناڤا خەلکێ ناڤچەیێ دا پەیدا بوویە.”
ئەو گوند دکەڤنە سەر یەک ھێلێ، کو گوندێن ئۆمەرەسێنان، بناویان، کانی میران، وریاوە، سالیاوە و قزلجۆ نە.
