ئۆفیسا رێخستنا عاموودێ یا پارتیا دەمۆکراتا کوردستانێ (پەدەکە-س) ھاتە شەوتاندن.
ئۆفیسا راگھاندنێ یا رێخستنا عاموودێ یا پەدەکە-سێ د داخویانیەکێ دا بەلاڤ کر، ئیرۆ دەمژمێر 1:00 (پشتی نیڤا شەڤێ) بارەگەھا رێخستنا عاموودێ یا پەدەکە-سێ راستی ئێریشەکێ ھات، کەلووپەلێن د ناڤا وێ دا ھاتن شکاندن و پشترا ژی ھاتە شەوتاندن.
د داخویانیێ دا ھاتە گۆت، ئاگر ب ھەڤکاریا جیرانان و ھندەک ئەندامێن پەدەکە-سێ ڤە ھاتە ڤەمراندن.
د چەند سالێن بۆری دا، گەلەک جاران ئۆفیسێن پەدەکە-سێ و ئەنەکەسێ ل رۆژئاڤایێ کوردستانێ ھاتبوون شەوتاندن و بەرپرسێن پەدەکە-سێ و ئەنەکەسێ ژی، رێخستنێن سەر ب پەیەدێ ڤە و ب تایبەت تەڤگەرا جوانێن شۆرەشگەر ب وان ئێریشان تۆمەتبار دکەن.
