ئیرۆ دانێ سپیدێ 20 فرۆکەیێن بێ فرۆکڤان یێن ترکیا گوندێن دەردۆرا پێنجوین و شارباژێرێ یێن ل پارێزگەھا سلێمانیێ بۆمبەباران کرن. وەزارەتا بەرەڤانیا ترکیا ب داخویانیەکێ دیار کر، د ئێرشێ دا 28 ئارمانج ھاتنە بۆمبەبارانکرن.
وەزارەتا بەرەڤانیێ یا ترکیێ ڤیدیۆیا دەما ئێریشێن ئاسمانی بەلاڤ کر کو وەزیرێ بەرەڤانیێ ھولوسی ئاکار ب خوە سەرپەرشتیا ئێریشێ دکەت و راگھاند، د ئۆپەراسیۆنەکا ئاسمانی دا و ب ھەماھەنگیا لگەل دەزگەھا ھەوالگریا نشتمانی، ل دەڤەرا ئاسۆسێ 28 ئارمانجێن پەکەکێ ھاتنە ژناڤبرن.”
ئاژاناسا فەرمی یا ترکیا ئاشکەرە کریە، بۆمبەبارانا چیایێ ئاسۆس ل پارێزگەھا سلێمانیێ ب بەشداریا 20 بالافرێن شەری یێن ترکیا ھاتیە کرن و ئێریش د کووراھیا 200 کیلۆمەتری ژ ئاخا ھەرێما کوردستانێ دا پێک ھاتیە.
مەدیایا نێزیکی پەکەکێ ژی سەبارەت بۆمبەبارانێ تەنێ راگھاندیە کو د دەمژمێر 6:30 دا ل گۆری دەما ھەرێمێ، بالافرێن شەری یێن دەولەتا ترکیا قادەکا نێزیکی باژارۆکێ پێنجوێنێ بۆمبەباران کرنە.
وەزارەتا بەرەڤانیا ترکیێ دیار کریە، د ئۆپەراسیۆنێ دا دەربەکێ گران ل پەکەکێ ھاتیە دان.
