هه‌په‌گێ باسكێ له‌شكری یێ رێخستنا په‌كه‌كێ ئیرۆ ناسنامه‌یا 4 چه‌كدارێن خوه‌ ئه‌شكه‌ره‌ كر كو ل باشوورێ كوردستانێ ب ده‌ستێ ئارتیشا تركیێ ب كوشتن دانه‌.

هه‌په‌گێ ئیرۆ رۆژا چارشه‌می 25/8/2021ان، ناسنامه‌یا 4 چه‌كدارێن خوه‌ یێن زارۆك ئه‌شكه‌ره‌ كر كو ل ناڤچه‌یا ئاڤاشینێ یا هه‌رێما باشوورێ كوردستانێ ب ده‌ستێ عه‌سكه‌رێ ترك ب كوشتن دانه‌.

ناڤێن زارۆكێن كو په‌كه‌كێ بكوشتن دانه‌ ووسایه‌:

• به‌تول یوكسه‌ك – ژ ئه‌رزه‌روومێ.

• ته‌كین ئۆره‌نلی – ژ وانێ.

• ره‌فیق ئایده‌میر – ژ بدلیسێ.

• محه‌مه‌د مه‌دره‌س – ژ كۆبانیێ.

هه‌په‌گێ وه‌كه‌ هه‌رتم، ئاگاهیێن تام ل سه‌ر ڤان چه‌كداران پارڤه‌كرنه‌، لێ به‌لێ تو ئاماژه‌ ب ته‌مه‌نا وان نه‌كر، ژ بۆ كو جینایه‌تا ره‌ڤاندنا زارۆكان ل سه‌ر وێ ته‌سبیت نه‌به‌.

هێژای گۆتنێ یه‌، په‌كه‌كه‌ ژ بۆ چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكان ژ هه‌ر چار په‌رچه‌یێن كوردستانێ دكه‌، پارتییا كاركه‌رێن كوردستانێ ئه‌و قاس زارۆكێن كوردان ره‌ڤاندنه‌ و ب كوشتن دانه‌ كو مرۆڤ دكاره‌ ناڤێ «پارتییا زارۆك كوژێن كوردستانێ» لێ بكه‌ت.