پێڤاژۆیا ده‌رخستنا ئامه‌ریكی و كه‌سێن كو ئالیكارییا ئارتێشا ئامه‌ریكایێ كرنه ژ ئه‌فغانستانێ ده‌وام دكه، ته‌ڤگه‌را تالیبانێ ژی هه‌یا 31 ڤێ مه‌هێ ده‌م ژ بۆ ڤه‌گوهه‌ستنا وان ده‌ست نیشان كرییه.
رۆژنامه‌یا نیۆیۆرك تایم یا ئامه‌ریكی ئه‌شكه‌ره كر، پێتری 250 هه‌زار كه‌سێن ئه‌فغان دگه‌ل ئارتێشا ئامه‌ریكا كار كرنه و هێژان ژ ئافغانستانێ نه‌هاتنه ده‌رخستن، هه‌روه‌ها دبێژه: گۆمان هه‌یه كو ئامه‌ریكا بكاره وان هه‌موو كه‌سان خه‌لاس بكه.
هه‌روه‌ها ده‌ست نیشان كر، ته‌ڤگه‌را تالیبانێ كو هه‌یا 31/8/2021ان ده‌م ژ بۆ ئامه‌ریكایێ دیار كر كو هه‌مولاتیێن خوه ژ وه‌لات ده‌رخینه، ئه‌ڤ ب وێ واته‌یێ تێ كو هه‌گه‌ر د رۆژێ ده 20 هه‌زار كه‌س ژی بێن ڤه‌گوهه‌ستن، پر زه‌حمه‌ته ئه‌ڤ 250 هه‌زار كه‌س بێن ڤه‌گوهه‌ستن.
رۆژنامه‌یا نیۆیۆرك تایمز ته‌ڤی كو سه‌رۆكێ ئامه‌ریكایێ جۆ بایدن گۆتییه ئه‌مێ ته‌ڤ ئامه‌ریكییان ژ ئافغانستانێ د ده‌ما ده‌ست نیشان كری دا ده‌رخینین، لێ به‌لێ گۆمان هه‌یه، كه‌سێن ئافغان یێن كو ل گه‌ل ئارتێشا ئامه‌ریكایێ خه‌بتینه ل ور ئاسێ بن و ل ژێر ره‌حما ته‌ڤگه‌را تالیبانێ ده بمینن.
