د ئۆپەراسیۆنەکا هەڤبەشا هێزێن ئەولەهیێ یێن ئیراقێ و هەرێما کوردستانێ، سەرکردەیەکی پلە بلندێ داعشێ ل هەولێرێ هات گرتن.
ل گۆر داخویانییا شانەیا راگهاندنا ئەمنی یا ئیراقێ، بەردەڤکێ فەرماندارێ گشتی یێ هێزێن چەکدارێن ئیراقێ، عەمید یەحیا رەسوول راگه‌هاندییە، «ب ئالیکارییا دژە تەرۆرا هەولێرێ»، ئەبوو مەنسوور، کارگێرێ گشتی یێ ب ناڤ «ویلایەتا باشوور» یا رێخستنا ته‌رۆریستییا داعشێ ل هەولێرێ هات دەستەسەر کرن.
یەحیا رەسوول دیار کرییە، ئەو سەرکردەیێ داعشێ ب ناسنامەیەکا ساختە ڤە هاتن و چوون کرییە.
د دەستپێکا مەها تەباخێ دا، یه‌حیا رەسوول گرتنا 4 سەرکردەیێن داعشێ راگه‌هاندبوو و دابوو زانین کو ئۆپەراسیۆن ب هه‌ماهه‌نگییا ئاساییشا هەرێما کوردستانا ئیراقێ – سلێمانیێ هاتییە کرن.
