ئارتێشا ئامەریکایێ ئێریشەکە ئەسمانی ل ئافگانیستانێ پێکانی و رێڤەبەرەکی پایەبلندێ رێخستنا تەرۆریستا داشێ کر ئارمانج.
ئارتێشا ئامەریکایێ، ئیرۆ ب داخویانیەکێ دیار کر: “ئێریش ب بالافرەکا درۆن یا جورەیا Reaper پێک ھاتیە و بەرپرسەکێ داعشێ ل ھەرێما نانگەھارا ل رۆژھلاتێ ئەفغانستانێ بوویە ئارمانجا ئێریشێ.”
ئارتێشا ئەمریکایێ ل گۆر داخویانیا ل سەر ڤێ ئێریشێ راگهاندیە: “ئەو بەرپرسێ داعشێ یێ کو ناڤێ وی نەھاتیە ئاشکەراکرن، ل گەل چەکدارەکێ د ترۆمبێلەکێ دا بوویە و ژ ئالیێ بالەفرا درۆن ڤە بوویە ئارمانجا ئێریشێ و ھاتیە کوشتن.”
د داخویانیێ دە ھاتیە دەستنیشانکرن، وی بەرپرسێ داعشێ پلان ژ بۆ ئێریش و کریارێن تەرۆریستی دادرێژتن.
ئەو ئێریشا ئامەریکایێ پشتی دو تەقینێن ل کابوولێ پێک ھات، کو داعشێ بەرپرسیارتیا خوە یا وان ئێریشان راگھاندبوو.
