ئەڤ نێزیکی دو هەفتەیانە، دارستانێن باژۆرۆکێن خۆزات و پولورێ یێن پارێزگەها دێرسمێ یا باکورێ کوردستانێ، دشەوتن، ئاگر هەتا نها نەهاتییە کۆنترۆل کرن و هەر دچە بەرفرەهتر دبە.
شارەدارێ دێرسمێ مەهمەت فاتهـ ماجۆگلو دبێژە: ئاگر هەر دچە بەربەلاڤ دبە، دارستان، مال، گوند و ئاژەلێن وان دشەوتن، لێ دەما دخوازن ئاگر ڤەمرینن، قەیمەقامی دەستوورێ نادە.
والیتیا دێرسمێ ژی ئیددیئا دکە کو بەشەکی وان ئاگران هاتنە کۆنترۆل کرن و ئەو زانیاریێن ل سەر تۆرێن جڤاکی تێن بەلاڤ کرن بێ بنگەهن.
والیتیا دێرسمێ دەربارێ ئاگرێ کو 13 رۆژن ل وێ پارێزگەهێ بەردەوامە، ئیددیئا دکە کو بەشەک ژ وان ئاگران هاتنە کۆنترۆل کرن و کەسێن ل سەر تۆرێن جڤاکی دیمەنێن ئاگر بەلاڤ دکن، رایا گشتی دخاپینن و دێ دەربارێ وان دە لێکۆلین بێن دەست پێ کرن.
