ئەڤە دەمەکە ئاکەپە ژ بۆ گوھەرتنا دەستوورا ھلبژارتنا و پارتیێن سیاسی د ناڤا خەباتەکێ دایە. ژ بۆ کو ئاکەپو بکاریت پێشنیارا ئامادە کری ژ پارلەمەنتۆیێ دەرباس بکەت دڤێت مەھەپە پشتگریێ لێ بکەت.
ل گۆرا ئاگاھیێن ژ ناڤا ئاکەپێ دهێن دبێژن کو، مەھەپە د گەلەک تشتان دا نە رازیە، لێ دخوازیت بەندا ھلبژارتنا ژ 10% داکەڤیت و ببیتە 7%. ئاکەپێ ژی ئەڤ یەک قەبوول کریە.
د ڤێ دەربارێ دا رۆژنەمەڤانا پرس ژ ئەردۆگان کرن و ئەردۆگان د بەرسڤا ڤێ پرسێ دا گۆت: بریارا مەھەپێ یا داویە، لێ ھەڤالێن مە ھێژتا بریارا داویێ نەدایە، لێ داخستنا بەندێ ھەتا 7% تەمام بوویە.
ژ ئالیەکێ دی ڤە کەسایەتیەک د ناڤا ئاکەپێ دا کو ناخوازیت ناڤێ وی بهێتە ئاشکەراکرن دبێژیت کو؛ ” نھا دهێتە گۆتن کو ئەگەر مەھەپە ب سەرێ خوە یانی بێ تفاق بکەڤیتە ھلبژارتنا دێ د بن بەندێ دا مینیت، ژ بۆ کو ئەڤ مەترسیا مەھەپێ ژ ھۆلێ رابیت بەندا ھلبژارتنە دبیتە 7%. ژ بەر کو د ھندەک راپرسییێن کو نایێنە ئاشکەراکرن دا مەھەپە د بن بەندا 10%ێ دا دمینیت. بێ گومان ئەڤ یەک بۆ ھەدەپێ ژی دبیت، ژ بەر کو ھەدەپە ل دۆر بەندا 10% دایە.
ھندەک کەس دبێژن کو ژ بۆ مەھەپێ و هەدەپێ ئەڤ بەندە دبیتە 7% و ڤێ یەکێ وەک ئۆپەراسیۆنا سەرکەفتنا مەھەپێ و ھەدەپێ ددەنە نیشاندان.
