پەکەکێ ئەڤ دو زارۆکە ژی رەڤاندن

پەکەکێ ئەڤ دو زارۆکە ژی رەڤاندن

درەنگی ئێڤارا رۆژا سێشەمبێ چالاکڤانێن رۆژئاڤایێ کوردستانێ راگھاندن کو رێخستنا “جوانێن شۆرەشگەر” یا پەکەکێ 2 زارۆکێن کورد ل تاخێ شێخ مەقسوود ل حەلەبێ رەڤاندنە و ئەو چەکدار کرینە.

رۆژنامەگەر و چالاکڤانێ مافێ مرۆڤ ل رۆژئاڤایێ کوردستانێ رۆھات محەمەد ئاشکەرا کر رۆژا سێشەمبێ ل تاخا شێخ مەقسوودا حەلەبێ 2 زارۆکێن تەمەنێ وان د ژێر 16 سالان دا ھاتنە رەڤاندن و پاشێ هاتنە چەکدارکرن ژ ئالیێ رێخستنا “جوانێن شۆرەشگەر” یا سەر ب پەکەکێ.

ھەروھا رۆهات محەمەد راگھاند ناڤێ زارۆکەکێ جوان ھەبەش ویێ دی ژی کاوە برۆمەیە و تەمەنێ وان د ژێر 16 سالان دایە و خەلکێ عەفرینێ نە و ب پەنابەری ل حەلەبێ دژین و د رەوشەکا وسا ژی دا پەکەکە دەست ژ وان بەرنادەت و زارۆکێن وان د دزیت و وان چەکدار دکەت.

د بەردەوامیێ ژی دا رۆھات محەمەد ئاشکەرا دکەت پشتی رەڤاندنێ پەکەکە دێ وان زارۆکان ل کامپێن سەربازی ب جیهـ بکەت و پشتی راهینانێن سەربازی وان فرێکەت شەری و ھەتا نھا گەلەک زارۆکێن رۆژئاڤایێ کوردستانێ ژ بۆ شەرێن پەکەکێ ل قەندیل و شنگالێ ھاتنە شاندن.

ژ دەستپێکا سالا 2021ێ ھەتا نھا پەکەکێ ب دەھان کەچ و کورێن زارۆک یێن رۆژئاڤایێ کوردستانێ رەڤاندنە و ئەو چەکدار کرینە.

پوستێن ھەمان بەش