دو وه‌لاتیێن شێلادزێ د تۆپبارانا تركیێ دا بریندار بوون
تۆپخانه‌یا ئارتێشا تركیێ، ئیرۆ لڤ و ته‌ڤگه‌رێن چه‌كدارێن رێخستنا په‌كه‌كێ ل گوندێن دۆربه‌را شێلادزێ تۆپباران كرن، د ئه‌نجامێ دا، 2 وه‌لاتیێن سڤیل بریندار بوون.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كر، ئیرۆ رۆژا پێنجشه‌مبێ 2/9/2021ێ، تۆپخانه‌یا ئارتێشا تركیێ یا داگیركه‌ر، نوقته و لڤ و ته‌ڤگه‌رێن چه‌كدارێن په‌كه‌كێ ل ئاقارێ گوندێ «سیدان» یێ گرێدای ناڤچه‌یا شێلادزێ ل ده‌ڤه‌را نێروه و رێكان تۆپباران كر، د ئه‌نجامێ دا، دو وه‌لاتی بریندار كرن.
ده‌ست نیشان كر، ئه‌ڤ ئێریش ل ساعه‌ت 2:00 پاش نیڤرۆژێ پێكهاتییه و كه‌سێن كو بریندار بووین ناڤێن وان وه‌هانه:
حه‌جی عه‌بدوللا یێ ته‌مه‌ن 55 سال و ژ گوندێ سیته یێ هۆزا رێكانییان.
سابر عومه‌ر یێ ته‌مه‌ن 45 سال ژ گوندێ سیته یێ هۆزا رێكانییان.
چه‌كدارێن رێخستنا په‌كه‌كێ ئه‌ڤ ده‌مه‌ك درێژه ژ بۆ كو خوه ژ ئێریشێن تركیێ بپارێزن، كه‌تنه ناڤا گوند و دۆربه‌را باژارۆكان و وه‌لاتییان وه‌كه مه‌رتال ب كار دئینن، ب ڤێ سه‌ده‌مێ به‌رده‌وام زیانێن جانی و بریندار د ناڤا گه‌لێ سڤیل دا تێن تۆمار كرن.
