تالیبانێ پەنجشیر کۆنترۆلکر

پاش 6 رۆژێن شه‌رێ خویناوی، ته‌ڤگه‌را تالیبانێ ئیرۆ كۆنترۆلكرنا ویلایه‌تا په‌نجشیر یا ل باكورێ كابولێ راگهاند.

بەردەڤکێ تەڤگەرا تالیبانێ زه‌بیحوللا موجاهد ل تویته‌را خوە نڤیسی: «داوی کەلها دژمنان کو ویلایەتا پەنجشیرە هات کۆنترۆلکرن، نها پەنجشیر ب تەمامه‌تی د بن کۆنترۆلا ئیمارەتا ئیسلامی یا رێژیما سیاسی یا تالیبانێ دا یە».

هەروها گۆت: «هن سەرهلدێر د شەران دا تێک چوون، یێن دن ژی رەڤیان، تالیبان ژی ژ گەلێ په‌نجشیر را پشتراست کر کو ئەو زلمێ ل وان نەکه‌ن».

ژ ئالیێ خوە ڤە، هێزێن بەرەیا بەرخوەدانا نشتمانی یا پەنجشیرێ ئەڤ نووچە رەد کر و دیار کر، پەنجشیر ب تەمامی نەکەتییە بن کۆنترۆلکرنا تالیبانێ و تەکەز کر، ئەو د شەرێ خوە دا بەردەوامن.

د چەند رۆژێن بۆری دا شەرەکی گران د ناڤبەرا بەرەیا بەرخوەدانا نشتمانی و تەڤگەرا تالیبانێ دا روو دابوو.

ویلایەتا پەنجشیر، ویلایەتەکە چیایی و دژوارە و جهێ بەرەیا بەرخوەدانا نشتمانی ب سەرۆکاتییا ئەحمەد شاهـ مەسعوودە.

پوستێن ھەمان بەش