چه‌كدارێن ره‌ژیما ئیرانێ ل سینۆرێ پارێزگه‌ها ئورمیێ یا رۆژهلاتا كوردستانێ، گوللـه به‌ردان كۆلبه‌ره‌كێ كورد كو باڤێ دو زارۆكان و كوشتن.
رێخستنا هه‌نگاو یا مافێن مرۆڤان یا رۆژهلاتا كوردستانێ به‌لاڤ كر، کۆلبەرێ کورد محەمەد خالد ئەبدولازادەیێ 41 سالی ل شەڤا یەکشەمێ 5ێ ئیلۆنا 2021ێ ژ ئالیێ هێزێن پاسەوانێن سینۆرێ ئیرانێ ڤە ل سەر سینۆر هاتییە کوشتن.
ده‌ست نیشان كر، چه‌كدارێن ئیرانێ ل چیایێن سینۆرێ حاجی ئۆمەرانێ و ل جهەکێ ب ناڤێ شینکێ یێ سەر ب باژارێ پیرانشارێ، تەقە ل کاروانا کۆلبەران کرنە و د ئەنجامێ دە کۆلبەرێ ب ناڤێ ئەبدولازادەیێ هاتیە کوشتن.
ل گۆر زانیاریێن کو هاتنە بەلاڤکرن، تەرمێ وی کۆلبەرێ کورد هێژ رادەستی مالاباتا وی نەهاتییە کرن.
