بەرپرسێ سیاسەتا دەرڤەیا یەکیتیا ئەورۆپا جۆسێپ بۆڕەڵ گەهشتە ھەرێما کوردستانێ و ل فرۆکخانەیا ناڤدەولەتییا ھەولێرێ ژ ئالیێ بەرپرسێ فەرمانگەھا پێوەندیێن دەرڤەیێن ھەرێما کوردستانێ سەفین دزەیی ڤە پێشوازی لێ ھاتە کرن.
بریارە بەرپرسێ سیاسەتا دەرڤەیا یەکیتیا ئەورۆپا جۆسەپ بۆڕەڵ د سەردانا خوە دا لگەل بەرپرسێن پلەبلندێن ھەرێما کوردستانێ دا بجڤیت. ل گۆر زانیاریان ژی، یەک ژ پرسیارێن سەرەکی یێن جڤینێن وی، پرسا ھەلبژارتنێن ئیراقێ یە.
بەرپرسێ سیاسەتا دەرڤەیا یەکیتیا ئەوۆرپا جۆسەپ بۆڕەڵ دوھی 6/9/2021ێ گەهشتبوو بەغدایێ و د کۆنفەرانسەکا رۆژنامەڤانییا ھەڤبەش لگەل وەزیرێ دەرڤەیێ ئیراقێ فواد حوسێن دا تەکەز کر، ئەو پشتەڤانی و ھەڤکاریا ئیراقێ دکەن ژ بۆ ھلبژارتنێن پاک و دادپەروەرانە بهێنە کرن.
ھەلبژارتنێن ئیراقێ بریارە رۆژا 10ێ جۆتمەھا داهاتی بهێنە کرن و یەکیتیا ئەورۆپا دێ چاڤدێران ژ بۆ چاڤدێریکرنا پرۆسەیا دەنگدانێ بشینیت ئیراقێ.
