عوسمان مستەفاپوور، زیندانیێ سیاسی یێ كورد ل رۆژهلاتا كوردستانێ كو جه‌زایێ سێداره‌دانێ ل سه‌ر بوو، ژ جه‌زایێ رزگار بوو، لێ به‌لێ ب ڤیرۆسا كۆرۆنایێ جان دا.
عوسمان مستەفاپوور، ب یێك ژ كه‌ڤنترین زیندانیین سیاسی یێن رۆژهلاتا كوردستانێ تێ حه‌ساب كرن، به‌رییا دو هه‌فته‌یان ب ڤیرۆسا كۆرۆنایێ كه‌ت و ئیرۆ رۆژا سێشه‌مبی 7/9/2021ێ جان دا.
عوسمان مستەفاپوور ل رۆژا 22/11/2019ێ ژ زیندانێ هاتبوو ئازاد كرن، ل رۆژا 27/5/2020ێ ژی ته‌ڤلی پارتییا ده‌مۆكراتا كوردستانا ئیرانێ – حدكا بوویه.
عوسمان مستەفاپوور ل هاڤینا سالا 1991ێ ب توهمه‌تا ئالیكارییا حدكایێ هاتبوو ده‌سته‌سه‌ر كرن و پشتره جه‌زایێ دارڤه‌كرنێ بۆ ده‌ركه‌ت، پشتره جه‌زایێ وی بۆ 10 سالێن زیندان كرنێ هات گوهه‌رین، پشتره بۆ 25 سالان.
مستەفاپوور دگه‌ل سێ كه‌سێن دن هاتبوو ده‌سته‌سه‌ر كر، دو ژ وان هاتن دارڤه‌كرن و یه‌كێ دن پاش 8 سالێن زیندانێ هاتبوو ئازاد كرن.
