بەشەک ژ گوندیێن باژارۆکێ دووبز ب تایبەت گوندێن ناحیا سەرگەران ب خوە نۆبەداریا گوندێن خوە دکەن و خوە دپارێزن.
ئەڤ دەمەکە ئێرشێن داعشێ ل گوندێن دەردۆرا باژارۆکێ دووبز یێ کەرکووکێ زێدە بوونە. ھەری داوی تەرۆریستان ئێرشی گوندێن شەحەل و سێبیرانێ کرن، سەربازەکێ ئیراقی کوشتن، گوندیەک رەڤاندن و چەند کەس ژی بریندار کرن. پشتی وان ئێرشان ھێزێن ئیراقی ژ ترسا داعشێ ژ وان دەران دەرکەتن.
ژ بەر وێ ژی خەلکێ وان گوندان ئێدی ب خوە نۆبەداریا گوندێن خوە دکەن و خوە دپارێزن.
