د نڤیسەکا خوە دا ل سەر تەڤگەرێن هێزێن پێشمەرگە ژ بۆی رێگریکرن ژ داگیرکرنا زێدەتر یا هەرێما مەتینا ژ هێلا ترکیێ ڤە، یەک ژ فەساد و فتنەچیێن رووپەلا ANF یا پەکەکێ پێشمەرگەیێن کوردستانێ ب چەتە ب ناڤ دکە و دبێژیت، ” ھەر چەند ناڤێ “پێشمەرگە” ب کار بینن ژی، د ڤان چەپەرێن کو ل دژی گەریلا ئاڤا دکەن دا چ پێشمەرگە جھ ناگرن و ھەموو ھێزێن کرێگرتییێن پەدەکێ و مالا بارزانی نە.”
ئیرۆ رۆژا شەمبی 11/9/2021اێ، رووپەلا ANF یا پەکەکێ وەکو کارێ خوە یێ هەردەم رابوویە و ب کەیفا دلێ خوە شیرۆڤەیێن بێ بنگەهـ و نە راست ل سەر تەڤگەرێن هێزێن پێشمەرگە د ناڤا سنۆرێ هەرێما کوردستانێ دا کرنە، ANF ب ئاوایەکێ باسی ڤان تەڤگەران دکەت کو کەسەک نە شاهرەزا بیت دێ ووسا هزر کەت هێزێن پێشمەرگە دەرباسی باکورێ کوردستانێ بوونە و دخوازن ل باکور بنگەهێن خوە دانن.
پەکەکە دبێژیت، ل ھەرێما مەتینا ژ ئالیێ 2 ھێزان ڤە تەڤگەرا پەدەکێ پێک تێ، یەک ژ وان هێزان ژی هێزا زێرەڤانیە کو ل ئالیێ باشوورێ مەتینا، ئانکو ژ سەرێ مەتینا و ھەیا گرێن چارچێل و ھەککاری “پەدەکە” تەڤگەرا خوە ب رێیا ڤێ هێزێ پێک تینە کو د بنیا ڤێ ھێزێ دا، “ھێزێن کۆماندۆ و چەتەیێن رۆژ ژی جھ دگرن”.
پەکەکە ب ڤێ یەکێ رحەت نابیت و بێ ئەخلاقیا خوە پتر خوەیا دکەت و دبێژیت، “ھێزا زیرەڤانی ئەو ھێزە کو بەرپرسێ پاراستنا مالباتا بارزانییە.” بەلێ پەکەکە ب ئاوایەکی بێ شەرم بوویە کو پێشمەرگەیێن زێرەڤانی یێن کو ل دژی شەرێ تەرۆریستێن داعشێ دا د چەپەرێن بەرگری کرن ل کوردستانێ دا بوون و ب سەدان شەهید و بریندار دانە ب ئاوایەکی وێنە دکەت کو ژ لایێ دەولەتا ترکیاڤە هاتنە دامەزراندن و ترکیا وان بکار تینیت.
ئێدی بێ ئەخلاقیا پەکەکێ تەڤ سنۆر دەرباس کرینە، پەکەکە ئێدی بوویە دارێ د دەستێ دەولەتێن دوژمن دا و نە ب تەنێ ژ بۆی داگیرکەرێن کوردستانێ بوویە پرا دەرباس بوون و داگیرکرنا تاکە پارچەیا کوردستانێ، بەلکو ژ ڤێ پێڤەتر هەول ددەت هەموو سەمبۆل و پیرۆزیێن کوردستانێ بێ نرخ بکەت و ل شوونا وان سەمبۆلێن خوە یێن حزبی کو خزمەتا کەمالیستان دکەن دانیت.
