وەلاتیێ گوندەکی کەرکووکێ، تێلێن کارەبایێ ل بەر بەرازێن کو دھاتنە گوندی دانابوون ناڤ زەڤیێن خوەیێن چاندنیێ، لێ ل شوونا نێچیرکرنا بەرازان، داعشەک نێچیر کر.
د ناڤبەرا گوندێن سێبیران و شەھەلا کەڤن یێن ل باژارۆکێ سەرگەرانێ سەر ب دووبزێیێ ل رۆژئاڤایێ کەرکووکێ، ئارتێشا ئیراقێ ب رێیا کامیرایێن چاڤدێریێ، چەند چەکدارێن داعشێ دیتنە.
پشتی کو ھێزێن ئەولەھیێ جھێ کو چەکدارێن داعشێ لێ بوون دۆرپێچ کری، شەر و پەڤچوون د ناڤبەرا وان دا قەومی و ھێزێن ئارتێشا ئیراقێ ئەو دەر ب جھ ھشتنە.
ئێڤارا رۆژا ئینێ 10ێ ئیلۆنا 2021ێ، ژ ئالیێ جۆتکاران ڤە تەرمێ چەکدارەکێ داعشێ ھاتیە دیتن و پشتی ئاگاھدارکرنا ھێزێن ئەولەھیێ، تەرمێ وی ژ بۆ بزشکێ داد ھاتیە شاندن.
چاڤکانیەکی ئەولەھیێ ژ پۆلیسێ سەرگەران دایە زانین: “ل سەر تەرمێ چەکدارێ داعشێ، ت دەوسا گوڵەیێ نەبوون، پشتی پشکنین و لێکۆلینێ دەرکەت ھۆلێ کو کارەبایێ گرتیە.”
ھەروھا ئاشکەرا کر: “جۆتکارێن گوندی ب شەڤان ب رێیا تێلێن کارەبایێ، ژ بۆ دوورخستنا بەرزاران، کو ب شەڤان زەرار ددەنە چاندنیێن وان، زەڤیێن خوەیێن چاندنیێ دپارێزن، لێ ل شوونا بەرازان چەکدارەکی داعشێ پێ کەتیە و مریە.”
