ل ناڤچەیێن ئەردیش و بێگرێ یێن سەر ب پارێزگەها وانێ یا باکورێ کوردستانێ، ئیرۆ 11ێ ئیلۆنا 2021ێ 57 کۆچبەر هاتن دەستەسەرکرن.
ل گۆر ئاگاهیێن هاتنە بەلاڤ کرن تیمێن فەرماندارییا جه‌ندرمه‌یان یا ئەردیشێ ل سەر رێیا ئەردیش و ئەلجەوازێ کامیۆنەک کو گومان لێ هەبوو دانە راوەستاندن و د ئەنجاما لێگەرینێ دا د ناڤا کامیۆنێ دا 30 کۆچبەرێن ئەفغان هاتن دەستەسەر کرن.
هەروها ل گوندێن شیڤەکارا ژۆری و ئارنەسێ سەر ب ناڤچەیا بێگرێ ژی، 27 کۆچبەرێن ژ ئەفغانستان و پاکستانێ هاتن دەستەسەر کرن.
ل پارێزگەها وانێ کو ب گشتی 57 کۆچبەر هاتن دەستەسەر کرن 3 کەس ژی ب سووچا قاچاغچێتیێ و ڤەگوهەستنا کۆچبەران هاتن دەستەسەر کرن.
