ل باژارۆکێ راجۆ یێ سەر ب عەفرینێ ڤە، د ئەنجاما تەقینا بۆمبەیەکێ ب ئۆتۆمبیلەکێ دە 3 چەکدارێن ئۆپۆزیسیۆنا سووریێ یێن ترکیا پشتەڤانیا وان دکەت، ھاتنە کوشتن.
ژێدەرەکی خوەجهی ل عەفرینێ راگھاند، دوھی ل سەر ریا د ناڤبەرا راجۆ و گوندێ حەج خەلیل دا، بۆمبەیەک ب ئۆتۆمۆبیلا چەکدارێن فرقەیا ئەل-ھەمزات دا تەقیا و د ئەنجامێ دا 3 چەکدار ھاتنە کوشتن، یەک ژ وان سەرکردەیەکی وێ گرۆپێ یە و ناڤێ وی عامر جنێدە.
وی ژێدەری دەستنیشان کر، ئەڤ تەقین د چارچۆڤەیا شەرێ ناڤخوەیێ د ناڤبەرا گرۆپێن چەکدار ب خوە دا ھاتیە کرن.
ژ دەما داگیرکرنا عەفرینێ ژ ئالیێ ئارتێشا ترکیێ و چەکدارێن سەر ب وێ ڤە، گەلەک جاران ل سەر دزی، تالانی، دەستدانینا سەر مال و ملکێن خەلکێ عەفرینێ، شەر و ناکۆکی د ناڤبەرا چەکداران ب خوە دا دەردکەڤیت.
رۆژا 5ێ ڤێ مەھێ ژی بۆمبەیەک د ئۆتۆمۆبیلەکا چەکداران دا ھاتە تەقاندن و د ئەنجامێ دا چەکدارەک ھاتبوو کوشتن و 4 چەکدارێن دی ژی بریندار بووبوون.
