گوندێ بانكێ ب ئه‌گه‌را نێزیكبوونا چه‌كدارێن په‌كه‌كێ تێ تۆپباران كرن

تۆپخانه‌یا ده‌وله‌تا ترك یا داگیركه‌ر، ئیرۆ لڤ و ته‌ڤگه‌را چه‌كدارێن رێخستنا په‌كه‌كێ ل گوندێ بانكێ كرن ئارمانج و زیان ب مالێن گوندییان كه‌تنه‌.

ل گۆری ئاگاهیێن كو رووداوێ به‌لاڤ كرنه‌، ئیرۆ رۆژا چارشه‌مبێ 15/9/2021ێ، تۆپخانه‌یا ئارتێشا تركیێ گوندێ بانكێ یێ ناڤچه‌یا باتیفا گرێدای پارێزگه‌هییا دهۆكێ، دایه‌ به‌ر تۆپان و زیان ب 3 مالان و ترومبێله‌كێ كه‌تنه‌، لێ به‌لێ زرارێن جانی چێنه‌بوونه‌.

رێخستنا په‌كه‌كێ ئه‌ڤ پێتری ساله‌كێ یه‌، لڤ و ته‌ڤگه‌را چه‌كدارێن خوه‌ خستنه‌ ناڤا گوندان و دۆربه‌را باژارۆكان و ئه‌ڤ یێك بوویه‌ ئه‌گه‌ر كو ئارتێشا داگیركه‌ر به‌رده‌وام هێرشێن ئاسمانی و به‌ژاهی ل ڤان ده‌ران دكه‌ت و زیان ته‌نێ ب خه‌لكێ گوندان دكه‌ڤیت.

‌د ده‌ما 5 مه‌هێن رابووری ژی دا‌، ته‌نێ ل سنۆرێ دهۆكێ 4 گوند هاتنه‌ ڤالا كرن، دوو وه‌لاتی شه‌هید كه‌تنه‌ و 3 ژی بریندار بوونه‌.