رەوشا ساخلەمییا مووژگان کاووسی، زیندانیا سیاسی یا رۆژهلاتێ کوردستانێ د زیندانا ئەڤین یا تەهرانێ دا د مەترسییێ دا یە.
ل گۆر راپۆرتێن رێخستنێن تایبەت ب مافێن مرۆڤان ل رۆژهلاتێ کوردستانێ، رەوشا تەندروستی یا “مووژگان کاووسی”، لیکۆلەر و چالاکڤانا سیاسی یا رۆژهلاتێ کوردستانێ کو د نها دا د زیندانا ئەڤین دا دەستەسەرکری یە، ژ بەر رەوشا خراب یا ڤێ زیندانێ و نەبوونا پێداویستی یێن پزیشکی و کێمترخەمییا بەرپرسێن ڤێ زیندانی د رەوشەکا مەترسی دا یە.
هێژایی گۆتنێ یە کو ناڤبووری ژ بەر نەخوەشییا دل و فەشارا خوینێ، چەند مەهن داخوازا دەستیریێ ژ بەرپرسێن زیندانێ کرییە و راگهاندیە نکاریت د زیندانێ دا بمینیت و پیدڤییا وێ ب پزیشک هەیە، لێ بەلێ، ئەڤ داخوازا وێ وەکە هەر جار ب بەهانەیێن جودا جودا هات رەدکرن.
ل گۆر گۆتنا یەک ژ خزمێن وێ، زیدەباری رەوشا خەراب یا ڤێ ژنە چالاکڤانا کورد د دەما دو هەفتەیێن رابووری دا، بەرپرسێن زیندانا ئەڤین هیج گرنگیەک ب وێ نەدایە، ئەڤ یەک ژی بوویە سەدەم کو مەترسی بکەڤیتە سەر ژیانا وێ و مالباتا وێ ژی نەرازیبوونا خوە دیار کریە.
