ب سەدەما پەکەکێ ئیرۆ ژی باشوورێ کوردستانی هات بۆمبەبارانکرن

ب سەدەما پەکەکێ ئیرۆ ژی باشوورێ کوردستانی هات بۆمبەبارانکرن

بالافرێن شەر یێن دەولەتا ترکیی، ئیرۆ جارەکا دی ب سەدەما هەبوونا چەکدارێن پەکەکێ سنۆرێ ناحیا شێلادزێ یا سەر ب پارێزگەها دوهۆکێ ڤە بۆمبەباران کر.

ل گۆری ئاگاهیێن پێگەها دارکا مازی کو ژ چاڤکانیێن خوە ل باشوورێ کوردستانێ دەست خوە خستنە، ئیرۆ دانێ سپێدێ 16/9/2021ێ جارەکا دی بالافرێن شەری یێن دەولەتا ترکیێ بارەگەهێن پەکەکێ یێن ل ناڤچەیێن ب ناڤێ «کوجکا» کو دکەڤیتە ئاقارێ گوندێ «سیتە» یێ هۆزا رێکانیا بۆمبەباران کرنە، ئەڤ بۆمبەباران ل دەمژمێر «9:30 هەیا 10:00» پێش نیڤرۆ بەردەوام بوویە.

هەر وەها هاتە راگهاندن ناڤچەیا «سەرێ سیلێ» ل گوندێ «بێسەپێ» یێ سەر ب هۆزا رێکان ژی کو دکەڤە چیایێ کورەژار ل دەمژمێر 1:20 نیڤرۆ ژ لایێ بالافرێن دەولەتا ترکیێ ڤە ب سەدەما هەبوونا چەکدارێن پەکەکی هات بۆمبەباران کرن.

چاڤکانیێن پێگەها دارکا مازی ل شێلادزێ ئەڤ یەک ئاشکەرا کر، کو ژ بەر هەبوونا چەکدارێن پەکەکێ ل ناڤچەیێن وان و ئێریشێن بەردەوام یێن دەولەتا ترکیێ، خەلکێ شێلادزێ راستی زرار و زیانێن مادی و مەعنەوی هاتنە، خەلکێ شێلادزێ داخوازێ ژ هەر دو لایەنان دکەن شەرێ خوە ل ناڤچەیێن وان دوور بکەن و ڤەگەرن گۆرەپانا خوە یا سەرەکی کو باکورێ کوردستانێ یە و شەرێ خوە ل وێ دەێ بەردەوام بکەن.

 

پوستێن ھەمان بەش