عەبدولرەحمان دلپاک رۆژنامەڤان و نڤیسکارەکێ ترکە، ب گشتی ب ناسنامەیا خوە یا ئیسلامی و راستگر دهێتە ناس كرن، چیرۆکا ژیانا وی گەلەک بالکێشە، ئەو ژ سالا 1969ێ د جیھانا مەدیا و سیاسەتێ دا ناڤەکێ گەلەک ناسیارە.
ئەو ژ بەر رۆژنامەگەریێ و پەیوەندیێن بێ ناڤبر ل گەل دەولەتێ، وەکی کارمەند و زەلامێ دەولەتا کوور یا ترکیێ ژی دهێتە زانین.
دلپاک ب داخویانیێن خوە یێن گرنگ و پشتەڤانيیا دەولەتێ د دەمێن تەنگاسيیان دا دهێتە ناس كرن، ژ بەر ڤێ یەکێ، ب واتەیەکێ، دلپاک ژ بۆ دەولەتێ دئاخڤیت، د ھەمان دەمێ دا ئەو ئەقلێ دەولەتێ یە، د ڤی واری دا نرخاندنا عەبدولرەحمان دلپاک یا ل عه‌بدوللا ئۆجەلان گەلەکا گرنگە.
ئەو ل دەربارا ئۆجالان دبێژیت:
«عه‌بدوللا ئۆجەلان ب راستی وەکی کوژەرێ زارۆکان دهێتە نڤیساندن و نیشاندان، لێ ئەو نە بیانی یە، ئەو ژ مالباتێ یە، عەبدوللا ئەرێ، ب راستی، ئەو د سالێن زانینگەھێ دا دچیتە نڤێژێ، ئەو کەسەک بوو کو ل ھاویردۆرا کلووبا رامانێ (یا میتێ) ل دەردۆرا حەسەن جەلال گووزەل دا جیهـ دگرت، ئۆجالان هەر ژ سالێن زانینگەھێ ڤە ل گەل دەولەتێ دا تێکەلدارە، ژنا وی (کەسیرە) سیخۆرا میتێ بوو و خەزوورێ وی ژی ل میتێ خوەدان ئەرکەکێ گرنگ بوو، ل شامێ د وی خانیێ کو عەبدوللا ئۆجەلان لێ دژییا، ل قاتێ سەری جەنەرالەکێ لەشکەری و ل قاتێ ژێرین ژی بەرپرسێ میتێ لێ د ژییان، ژ بەر ڤێ یەکێ گاڤا کوو ئەز دبێژم ئاپۆ کەسەکێ ژ مالباتێ یە، دخوازم بێژم کو ئەو نە بیانی یە، ئانکو ئاپۆ ژی مەخدوورێ سیستەمی یە، سیستەمی ئەم وەکو وێرانکەر وەھا ئافراندینە».
