بهرپرسێ ههوالگیرییا ههپهگێ بازرگانهكێ كورد و ههڤژینا وی ب چهقۆكێ كوشتن
![Berpirsê Îstixbarata HPGê bazirganekê Kurd û hevjîna wî bi çeqokê kuştin](https://darkamazi.net/file/2021/09/%D8%B9%D8%B3%D8%A7%D9%81-%D9%85%D8%B3%D9%84%D9%85-%D8%B9%D8%A8%D8%A7%D8%B3-%D8%B1%D9%88%D9%83%D9%86-%D8%AD%D8%B3%D9%8A%D9%86-%D8%AD%D8%B2%D8%A8-%D8%A7%D9%84%D8%B9%D9%85%D8%A7%D9%84-%D8%A7%D9%84%D9%83%D8%B1%D8%AF%D8%B3%D8%AA%D8%A7%D9%86%D9%8A-%D9%83%D8%A7%D9%88%D9%87-%D8%AD%D9%85%D9%88-Esaf-Muslim-Ebas-1.jpg)
چهند پاشتره تاوان و جینایهتێن هۆڤ یێن پهكهكێ پتر ئاشكرا دبن، ههری داوی ل دهستپێكا ڤێ مههێ، بهرپرسێ ههوالگیرییا ههپهگێ ئهندامێن مالباتهكا كورد، ب چهقۆكێ كوشتن و پارێن وان برنه.
چاڤكانیێن تایبهت یێن پێگهها «داركا مازی» ل رۆژئاڤا كوردستانێ، تاوانهكا هۆڤ یا رێخستنا پهكهكێ ئاشكرا كر، ئهو ژی كوشتنا مالباتهكا كورد یا باژێرێ كۆبانێ یه ژ ئالیێ بهرپرسێ ههوالگیرییا ههپهگێ ڤه.
چاڤكانیێن مه د دویڤچوونا ڤێ تاوانێ دا، ئاگاهی ب دهست ئێخستن كو كهسێ ب كۆد ناڤێ «بۆتان» كو كادێ پهكهكێ یه و یهك ژ بهرپرسێن ههوالگیرییا ههپهگێ یه ل كۆبانێ، ل شهڤا 31/8 سهر 1/9/2021ێ ب سهر مالا كهسێ ب ناڤێ «عهساف مسلم عهباس» دا گرتییه و ئهو ل گهل ههڤژینا وی یا ب ناڤێ «رووكهن حسێن» ب ئاوایهكی هۆڤ كوشتنه.
![](https://darkamazi.net/file/2021/09/%D8%B9%D8%B3%D8%A7%D9%81-%D9%85%D8%B3%D9%84%D9%85-%D8%B9%D8%A8%D8%A7%D8%B3-%D8%B1%D9%88%D9%83%D9%86-%D8%AD%D8%B3%D9%8A%D9%86-%D8%AD%D8%B2%D8%A8-%D8%A7%D9%84%D8%B9%D9%85%D8%A7%D9%84-%D8%A7%D9%84%D9%83%D8%B1%D8%AF%D8%B3%D8%AA%D8%A7%D9%86%D9%8A-%D9%83%D8%A7%D9%88%D9%87-%D8%AD%D9%85%D9%88-Esaf-Muslim-Ebas-4.jpg)
«عهساف مسلم عهباس» تهمهن 32 ساله، خهلكێ گوندێ قهجهریێ سهر ب كۆبانێ ڤهیه و ژ هۆزا قۆربهگه، ئۆفیسهكا «حهوالات و گوههرینا پارهی» ل كۆبانێ ههیه و مالا وی ژی ههر ل ناڤهندا كۆبانێ یه، ههڤژینا وی رووكهن 25 سالی یه.
چاڤكانیێن پێگهها مه ئاشكرا كرن، بهرپرسێ ههوالگیرییا ههپهگێ یێ كۆبانێ كهسێ ب كۆد ناڤێ «بۆتان» پارهیهكێ زۆر ژ ئۆفیسا عهساف بربوون و ژ بۆ برایێ خوه یێ ل باكورێ كوردستانێ هنارتبوون، ژ بهر ڤێ بۆتان بریار دا عهساف و مالباتا وی بكوژیت ژ بۆ كو بابهتێ هنارتنا پارهی ئیفشا نهبیت.
ل شهڤا 31/8 سهر 1/9 بۆتان ب سهر مالا عهساف دا دگریت و وی و ههڤژینا وی یا ب ناڤێ رووكهن ب ئاوایهكی هۆڤ ب چهقۆكێ دكوژیت و زارۆكێ وان ژی یێ ب ناڤێ «مستهفا عهساف» بریندار دكهت.
پاش دهرباسبوونا دوو ههفتهیان ژ نووڤه ئاساییشا پهیهدێ یا گرێدای پهكهكێ، ل رۆژا 13/9/2021ێ داخویانی دا و ئهڤ تاوان وهك جینایهتهكا ئاسایی ناڤ كر و گۆت: «مه ئهنجامدهر دهستهسهر كرنه و دێ گههنه جهزایێ خوه».
![](https://darkamazi.net/file/2021/09/%D8%B9%D8%B3%D8%A7%D9%81-%D9%85%D8%B3%D9%84%D9%85-%D8%B9%D8%A8%D8%A7%D8%B3-%D8%B1%D9%88%D9%83%D9%86-%D8%AD%D8%B3%D9%8A%D9%86-%D8%AD%D8%B2%D8%A8-%D8%A7%D9%84%D8%B9%D9%85%D8%A7%D9%84-%D8%A7%D9%84%D9%83%D8%B1%D8%AF%D8%B3%D8%AA%D8%A7%D9%86%D9%8A-%D9%83%D8%A7%D9%88%D9%87-%D8%AD%D9%85%D9%88-Esaf-Muslim-Ebas.jpg)
داخویانییا ئاساییشا پهیهدێ، ژ ئالیێ «كاوه حهمو» كادرێ ئاسایشا پهیهدێ یا ب ناڤێ «هێزێن ناڤخوه یێن ههرێما فراتێ» ڤه هات خواندن و ژ بۆ ڤهشارتنا ڤێ تاوانا پهكهكێ، وی ئهڤ قهتلعام وهك جینایهتهكا ئاسایی ناڤ كر و تهنێ گۆت: «ئهم سهرساخیێ ژ مالباتا عهساف را دخوازن، لێكۆلین د بهردهوامن»!.
هێژای گۆتنێ یه، ئهڤ تاوان یهكه ژ ههزاران تاوانێن ههمئاوا كو رێخستنا پهكهكێ و باسكێن وێ ل دژی خهلكێ سڤیل، كۆمپانی، بازرگان و بزنزمهنێن كورد ل رۆژئاڤا وهلات ئهنجام ددهت.