ل ئانتالیایێ ئێریشی پاسا دیاربەکرێ هاتە کرن

ل پارێزگەھا ئانتالیا یا ترکیێ، ئێریشی ترۆمبێلا کۆمپانیایا ئۆزلەم دیارباکرێ هاتە کرن و د ئەنجامێ دا 2 کەس بریندار بوون.

ل ناڤچەیا گازپاشایا ئانتالیایێ، دوهی ب شەڤ ل دەمژمێر 9:30ێ، ھندەک کەسان ب کەڤران ئێریشی پاسا کۆمپانیایا ئۆزلەم دیارباکرێ کرن کو ژ ئانتالیایێ دچوو دیاربەکرێ.

د ئێریشا ل سەر پاسا دیاربەکرێ دا، 2 جامێن پاسێ شکەستن و 2 رێڤینگێن ژن بریندار بوون.

ل سەر ئاگاھدارکرنێ، تیمێن تەندروستی و جەندرمە ژ بۆ جھێ بوویەرێ ھاتنە شاندن. تیمێن تەندروستیێ ھەر دو بریندارێن ژن د ناڤ ئامبولانسێ دا دەرمان کرن.

دەربارێ بوویەرێ دا لێپرسین ھاتیە دەستپێکرن. سازیێن فەرمی ھەتا نھا دەربارێ ئێریشێ دا چ داخویانی نەدانە.