رێخستنەکا په‌كه‌كێ ل دەڤەرا شەهبا یا باژارێ حەلەبێ یێ سووریێ خۆرتەکێ کورد رەڤاند و ب زۆرێ چەکدار کر.
رێخستنا «جوانێن شۆرەشگەر» کو گرێدایی په‌كه‌كێ یە و ل رۆژئاڤا کار دکەت، رۆژا 18 ڤێ مەهێ خۆرتەکێ 16 سالی ب ناڤێ محەمەد ئیبراهیم عارف ل گوندێ تل قەراح ل دەڤەرا شەهبایێ یا حەلەبێ رەڤاند.
ئەندامێن وێ رێخستنا په‌كه‌كێ ئەو خۆرت برنە سەربازگەهێ و ب زۆرێ کرنە چەکدار.
هەتا نها گەلەک خۆرت و زارۆکێن کو تەمەنێ وان نه‌گه‌هشتییه 18 سالان، ژ ئالیێ په‌كه‌كێ ڤە هاتنە رەڤاندن و ب زۆرێ هاتنە چەکدارکرن.
ئەو خۆرتێ کو هاتییە رەڤاندن، خەلکێ عه‌فرینێ یه، لێ پشتی کو عه‌فرین ژ ئالیێ ترکیێ ڤە هاتییه داگیرکرن، کۆچبەری دەڤەرا شەهبایێ ببوو.
ئەڤ د دەمەکی دا یە کو یه‌په‌گێ و هه‌سه‌دێ رێکەفتنا چەکدار نەکرنا زارۆکان ئیمزا کرنە.
رێخستنا په‌كه‌كێ ژ بۆ چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن وه‌لات دكه، ئه‌ڤ یێك ژی ژ هێلا رێخستنێن مافێن مرۆڤان یێن ناڤده‌وله‌تی هاتییه ته‌سبیت كرن.
