بالەفرێن ترکیێ گوندەکێ ئامێدیێ بۆمبەباران کر

بالەفرێن شەر یێن دەولەتا ترکیێ، گوندەکێ سنۆرێ ئامێدیێ دو جاران بۆمبەباران کر.

چاڤکانیێن پێگەها دارکا مازی ل ئامێدیێ ئاشکەرا کرن، ئیرۆ رۆژا چارشەمبی 22/9/2021ێ، ل دەمژمێر 7:30ێ، بالەفرێن شەر یێن ترکیێ پێگەهێن چەکدارێن پەکەکێ ل گوندێ سەرگەلێ یێ سەر ب دەڤەرا نهێلێ ل ئامێدیی بۆمبەباران کرن.

چاڤکانیێن مە هەر وەها دا زانین کو هەیا نها ب تەمامی نایێ زانین کو زرارێن پەکەکێ د ڤێ بۆردۆمانێ دا چەندن، لێ بەلێ، وەکە خوەیا هندەک زیان ب چەکدارێن پەکەکێ و بنگەهێن وان گەهشتنە.

گوندێ سەرگەلێ، دکەڤیتە رۆژهلاتێ باژارۆکێ ئامێدیێ ب دووراتیا 6 کیلۆمەتران، ب سەدەما هەبوونا بارەگەهێن پەکەکێ ل نێزیکی ڤی گوندی ئەڤە چەندین جارن دهێتە بۆمبەبارانکرن، هندەک جاران زرار ب خەلکێ گوندی ژی گەهشتینە، تەڤی کو خەلکێ گوندی گەلەک جاران ژ چەکدارێن پەکەکێ خواستیە ل گوندێ وان دوور بکەڤن داکو جانێ خەلکێ گوندی نەکەڤیتە مەترسیێ دا، لێ بەلێ، چەکدارێن پەکەکێ گرنگیێ ب داخوازا گوندیان نادەن ب جیهـ ناینن و ل گوندی دوور ناکەڤن.