ل گرێ بەرازان ھەستیێن کو دیرۆکا وان ڤەدگەریتە 600 سالان بەری نھا ھاتنە دیتن

ل گرێ بەرازان ھەستیێن کو دیرۆکا وان ڤەدگەریتە 600 سالان بەری نھا ھاتنە دیتن

ل پارێزگەھا گومگومێ یا باکورێ کوردستانێ د دەما ڤەکرنا گۆرەکێ دا ل ناڤچەیا شوونواری یا گرێ بەرازان، ھەستیێن زارۆکەکێ 3-4 سالی ھاتنە دیتن کو دیرۆکا وێ ڤەدگەریتە 500 ھەتا 600 سالان بەری نھا.

دەربارێ ڤێ یەکێ دا مامۆستایێ بەشا شوونوارناسی یا زانینگەھا Hacettepe  در. خەلیل تەکین گۆت: “ل گرێ بەرازا د ناڤ میماریا چاخێ کەڤرین یا نوو دا، مە گۆرەک دیت. دیرۆکا وێ ڤەدگەریتە چاخێ ناڤین. ژ بەر کو نە ل گۆر نەریتا ئیسلامێ ھاتیە ڤەشارتن بۆ مە دەرکەت کو د سەردەما ناڤین دا ھاتیە ڤەشارتن.”

جارا یەکەم د سالا 1996ێ دا شوونوارناسێن بیانی ل ڤی شوونواری دەست ب کاری کرنە و ژ 2013ێ ڤە زانایێن ترکیا بەردەوام دکەن.

خەلیل تەکین ھەروھا دبێژیت: “مەرەش ب درێژاھیا سەردەمێن جودا جھێ نیشتەجیبوونێ بوویە و چەندین شارستانیێن جودا ل خوە گرتیە، جڤاکێن جودا ئەڤدەر وەک نیشتیمانێ خوە دیتنە، گرێ بەرازا ئەشکەرەترین نموونەیا وێ راستیێ یە.

ژ ئالیەکێ ڤە شوونوارێن سەردەما کەڤرین کو ڤەدگەرن 9 ھەزار سال بەری نھا. د لێکۆلینێن ژۆرێ یێن ڤی شوونواری دا بەرمایێن سەردەما رۆما، بیزەنتیا و سەردەما ناڤین تێن دیتن، ئەڤ ھەموو نیشانن کو ل ڤی جھی جڤاکێن خەلکێ مسلمان و ئۆلێن دی ژی ژیانە.

گرێ بەرازا 32 کیلۆمەترە دکەڤیتە باشوور و باشوورێ رۆژھلاتێ ناڤەندا باژارێ گومگومێ یێ باکورێ کوردستانێ نێزیکێ گوندێ ئەمرۆگلو. ئەڤ گرە دکەڤیتە دەشتا گومگومێ، رووبەرێ گری 18 دۆنەمە و 12 مەترا ژ ئاستا دەریایێ بلندە. ئەنجامێن لێکۆلینان دەرخستنە کو گرێ بەرازا ھەزاران سالە دەرگوشا شارستانیەتێ بوویە.

پوستێن ھەمان بەش