ئەمەریکا ب دەھان ترۆمبێلێن سەربازی پێشکێشی وەزارەتا پێشمەرگە کرن

ھەڤپەیمانیا ناڤدەولەتی یا ل دژی داعشێ 70 ترۆمبێلێن دی یێن گولەنەبر رادەستی وەزارەتا پێشمەرگە کرن و ژ بۆ رووبرووبوونا تەرۆرێ ژی، دێ ل سەر هاریکاریا پێشمەرگە بەردەوام بیت.

بەردەڤکێ ھەڤپەیمانیا ناڤدەولەتی واین مارۆتۆ ل تویتەرا خوە نڤیسی: “د چارچۆڤەیا بەرنامەیا پشتەڤانیا دارایی و بچەککرنێ یا ئەمەریکا ژ بۆ رووبرووبوونا داعشێ دا، 70 ترۆمبێلین لەشکەری یێن گولەنەبر رادەستی وەزارەتا پێشمەرگە هاتن کرن.”

مارۆتۆ تەکەز کر، ئەو دێ د هاریکاریێن خوە یێن ژ بۆ بھێزترکرن و بچەککرنا ھەڤپەیمانێن خوە د رووبرووبوونا تەرۆرێ، دابینکرنا ئەولەھیێ و پاراستنا دەزگەھان دا بەردەوام بن.