وەزارەتا پێشمەرگە یا هەرێما کوردستانێ راگهاند؛ د هەڤدیتنا کۆلۆنەل مایەر یێ ژ وەزارەتا بەرەڤانییا ئالمانیایێ و کۆلۆنەل کای، بەرپرسێ پرۆژەیێن ئالمانیایێ ل هەرێما کوردستانێ لگەل جەمال محەمەد، سەرۆکئەرکانێ وەزارەتا پێشمەرگە دە، تەکەزی ل سەر بەردەوامییا هەماهەنگی و ئالیکاریێن حکوومەتا ئالمانیایێ ژ بۆ وەزارەتا پێشمەرگە هات کرن.
وەزارەتا پێشمەرگە راگهاند؛ د هەڤدیتنێ دە شاندا ئالمانی بەردەوامییا هەماهەنگی و ئالیکاریێن حکوومەتا ئالمانیایێ ژ بۆ وەزارەتا پێشمەرگە جار دن ئانی زمان.
شاندا ئالمانی دەستنیشان کرییە کو ئه‌و بەردەوام دبن د کارکرنا ل گەل هێزێن پێشمەرگە دە د وارێ شێورمەندیێ دە ل هەرێما کوردستانێ.
سەرۆکئەرکانێ وەزارەتا پێشمەرگە سپاسیا حکوومەت و گەلێ ئالمانیایێ کر و ئامادەبوونا وەزارەتا پێشمەرگە نیشان دا، ژ بۆ هەماهەنگی و هەڤکاریێن لگەل تیمێن ئارتێشا ئالمانیایێ یا ل کوردستانێ.
