ل پارێزگەھا دیلۆکێ یا باکورێ کوردستانێ کۆچبەرەکێ کو خواست ژ پۆلیسان برەڤیت ترۆمبێلێ لێدا و جانێ خوە ژ دەست دا.
ل پارێزگەھا دیلۆکێ یا باکورێ کوردستانێ پۆلیسان خواستن پاسەکێ کو 20 کۆچبەرێن ئەفغان تێ دا بوون، ل خالا کۆنترۆلێ یا ل سەر رێیا روحا-ئەدەنێ براوەستینن، لێ شۆفێرێ پاسێ رانەوەستیا و رەڤیا. پشتی دەمەکێ هێزێن ئەمنی دان پەی وێ پاسێ و ئەو راوەستاند.
ل گۆر ئاگاھیان کۆچبەرەکێ ئەفغانی کو نەخواست خوە رادەستی هێزێن ئەمنی بکەت دەما ھەول دا دەرباسی ئالیێ دی یێ رێکێ ببیت، ترۆمبێلا ب ھەژمارا 22 ت 1033 کو کەسەکێ ب ناڤێ م.ب. داژۆت لێدا.
ل سەر ئاگاھدارکرنێ، تیمێن تەندروستیێ ھاتنە جھێ بوویەرێ و د ئەنجاما پشکینێ دا دیتن کو وی کۆچبەری ل جھێ بوویەرێ جانێ خوە ژ دەست دایە. تیمێن تەندروستیێ تەرمێ وی کۆچبەری راکرن پزیشکیا دادی.
پشتی کۆنترۆلکرنا ئەفخانستانێ ژ ئالیێ تالبانێ ڤە ب ھەزاران کۆچبەرێن کو دخوازن بچن ئەورۆپایێ د سەر ئیران و رۆژھلاتێ کوردستانێ را دەرباسی وانێ دبن. رۆژانە د ناڤ سینۆرێن باکورێ کوردستانێ و ترکیێ دا ھەژمارەکا زێدە یا وان کۆچبەران ژ ئالیێ ئەولەکاران ڤە تێنە دەستسەرکرن.
