51 چەکدار ژ په‌كه‌كێ ڤه‌قه‌تیان و په‌یوه‌ندی ب پێشمەرگەهان كر
51 چەکدارێن په‌كه‌كێ ل چیایێ شه‌نگالێ، دەست ژ سەنگەرێن خوە بەردان و پێوەندی ب فەرماندارییا شنگالێ یا پێشمەرگەیێن کوردستانێ کرن، فەرماندارێ وان چەکداران ژی ئه‌شكه‌ره كر، په‌كه‌كه خزمەتا گەلێ مە ناکەت، ژ بەر وێ مە پێوەندی ب پێشمەرگەهان کر.
ئیرۆ رۆژا شه‌مبی 25/9/2021ێ بەرپرسێ لقا 17ێ یا په‌ده‌كێ ئاشتی کۆچەر ژ كوردستان 24ێ را راگه‌هاند، «ئیرۆ ل چیایێ شه‌نگالێ 51 چەکدارێن په‌كه‌كێ ژ ناڤ رەفێن په‌كه‌كێ دەرکەتن و خوە گه‌هاندن هێزێن پێشمەرگەیێن ل فەرماندارییا شنگالێ».
فەرماندارێ وان چەکدارێن په‌كه‌كێ ب ناڤێ شه‌هاب قاسم حەسەن ژ كوردستان 24 را راگه‌هاند، «بارەگەهێن مە ل ناڤچەیا زۆراڤا یا سەر ب ناحیا سنوونێ ڤه بوون، پشتی 5 مەهان د ناڤا رێزێن په‌كه‌كێ دا، ئەم گه‌هشتن وێ باوەریێ کو په‌كه‌كه خزمەتا مللەتێ مە ناکەت، ژ بەر وێ مە پێوەندی ب فەوجا یەک یا پێشمەرگە یا فەرماندارییا شه‌نگالێ کر».
هەروه‌ها وی فەرماندارێ په‌كه‌كێ گۆت: «بەرپرسێ لقا 17 یا په‌ده‌كێ په‌یوەندی ب مە کر و ئەم سپاسییا خوە ژ بۆ په‌ده‌كێ و حکوومەتا هەرێمێ ژی نیشان ددن کو هەر دەم هەڤکاریێ ب کۆچبەرێن شه‌نگالێ را دکه‌ن و ئالیکارییا وان دکه‌ن».
