بالەفرێن رووسیایێ ل عه‌فرینا رۆژئاڤایێ کوردستانێ ناڤچەیێن د بن دەستێ ترکیێ و گرووپێن چەکدار دا نە، بۆمبەباران کرن.
بالەفرێن شەر یێن رووسیا دەردۆرا گوندێن باسلهایا، جلبل و باسووفانێ ل گوندەوارێ عه‌فرینێ کو د بن دەستێ گرووپێن چەکدار یێن سەر ب ترکیێ دا نە بۆمبەباران کر.
ل گۆر زانیارییان، بالەفرێن رووسیا بارەگەهێن گرووپا جەبهە شامیە یا سەر ب ترکیێ ل دەردۆرا هەردو گوندێن جلبل و باسلە ل ناحیا یا شێراوا یا سەر ب عه‌فرینێ ڤە بۆمبەباران کرنە.
ژ ئالیەکی دن ڤە، بالەفرێن رووسیا دەردۆرا گوندێ رووەیحا ل چیایێ زاویە ل باشوورێ ئدلبێ بۆمبەباران کرن.
ئەڤ بۆمبەبارانکرنا رووسیایێ یا گرووپێن گرێدایی ترکیێ و ناڤچەیێن د بن دەستێن وان دا د دەمەکێ دە کو بریارە رۆژا 29 ڤێ مەهێ، رەجەب تایب ئاردۆگان و ڤلادمیر پۆتن ل سۆچی بجڤن.
