ل پارێزگەها ئەردەخانێ یا باکورێ کوردستانێ، به‌فرەکا زێدە باری و ل هندەک جهان هاتن و چوون و ترافیك ئاسته‌نگ بوو.
ل ناڤچەیێن بلند یێن پارێزگەها ئەردەخانێ به‌فرەکا زێدە باری، رێیا ئەردەخان- شاڤشات و ئەردەخان- دوخورێ ل هنەدک جهان هات گرتن، ب تایبەتی ل گەلیێ ساهارا گەلەک بارهلگر ژ بەر به‌فرێ ئاسێ مان.
هه‌روه‌ها ل سەر رێیا ئەردەخان- چلدرێ ل گوندێ ئۆلچاکێ ژی بارهلگرەک وه‌رگه‌رییا.
ل ئالیێ دن ل 24-25 ئیلۆنێ، ل پارێزگەها وانێ یا باکورێ کوردستانێ ژ بەر بارانا زێدە ل چەندین گوندان لەهی رابوو و مال و دکانێن خەلکێ د بن ئاڤێ دە مان.
هەروها ل چیایێ سیپانێ سەر ب ناڤچەیا ئەلجەوازا بەدلیسا باکورێ کوردستانێ به‌فرا یەکەما ئیسالێ باری و خوەزا ب رەنگێ سپی خەملی.
ل هەرێما سەرحەدێ کو ئەڤ چەند رۆژن باران دباریت ل 24ێ ئیلۆنا 2021ێ د دەمژمێرێن ئێڤاری دا ل سەری چیایێن بلند به‌فر باری و دیمەنێن جوان دەرکەتن هۆلێ.
هەروها ل باژارێن وەک قەرس، وان، ئەرزەرۆم و ئەرزینگانێ ژی به‌فرا یەکەما ئیسال باری.
