4 چه‌كدارێن دی یێن رێخستنا په‌كه‌كێ، ل باشوورێ كوردستانێ كه‌تن به‌ر هێرشا تۆپبارانا ئارتێشا تركیێ و گیانێ خوه ژ ده‌ست دان.
وه‌زاره‌تا به‌رگریێ یا تركیێ ئیرۆ رۆژا دوشه‌مبی 27/9/2021ێ ل حه‌سابا خوه یا تویته‌رێ به‌لاڤ كر، د هێرشه‌كێ دا كو ل سنۆرێ ئۆپه‌راسیۆنا برووسكێ ل هه‌رێما باشوورێ كوردستانێ پێكهاتییه، 4 چه‌كدارێن رێخستنا په‌كه‌كێ هاتنه ئارمانج كرن.
ده‌ست نیشان كر، د هێرشێ دا، هه‌ر 4 چه‌كدار هاتنه كوشتن.
وه‌زاره‌تا به‌رگریێ وێنه‌یا تۆپخانه‌یا ئارتێشا تركیێ ل تویته‌رێ دانایه، ئه‌ڤ ژی ب وێ واتایێ تێ كو ئێریش ژ به‌ژاهی پێكهاتییه.
رێخستنا په‌كه‌كێ چ ئاگاهی ل ده‌ربارا هێرشێ نه‌دانه، لێ به‌لێ ئاژانسا ئانفێ ئیرۆ ژ ده‌ست دانا گه‌ریلایه‌كێ خوه به‌لاڤ كرییه كو ل گۆرێ وێ ل مه‌ها خزیرانا ئیسالێ ل ناڤچه‌یا خاكوركی شه‌هید كه‌تییه.
