ھەژمارەک بالەفرێن نەناس بنکەیێن میلیشیایێن حەشدا شەعبی یێن ل پارێزگەھا دێرەزۆرا ل رۆژھلاتێ سووریێ بۆمبەباران کرن.
رەوانگەھا سووری یا مافێن مرۆڤان د بەیانامەیەکێ دا راگەھاند؛ ئیرۆ 28/9/2021ێ بەرێ سپیدێ دەنگێ چەند تەقینان ل سەر سنۆرێ ناڤبەرا ئیراقێ و سووریێ نێزیک باژارێ ئەلبوکەمالا سەر ب پارێزگەھا دێرەزۆرا سووریێ ھاتیە بھیستن.
رەوانگەھا سووری راگەھاند: تەقین ژ بەر بۆمبەبارانێن بالەفرێن نەناس پێکھاتنە.
ھەروەھا کانالا سکای نیوس ب زمانێ چاڤکانیێن لەشکەری و سڤیل بەلاڤ کرن کو “ھەژمارەک بالەفرێن نەناس بنکە و بارەگەھێن میلیشیایێن سەر ب ئیرانێ یێن ل باشوورێ باژارۆکێ مەیادینا سەر ب چەمێ فراتێ بۆمبەباران کرنە.
وی کەنالی راگەھاندیە، ئەو میلیشیایێن کو بوونە ئارمانجا ئێریشێ بەشەک ژ وان پێکتێن ژ میلیشیایێن حەشدا شەعبی و ھەتا نھا زیانێن جانی یێن وێ بۆمبەبارانێ نەھاتنە زانین.
